O‘zbekiston Respublikasi Gidrometeorologiya xizmati tomonidan berilgan ma’lumotlarga ko‘ra, 2019 yil 6 dekabr kuni, bugun A-373 “Toshkent-O‘sh” avtomobil yo‘lining “Qamchiq” dovoni qismida vaqti-vaqti bilan qor yog‘ishi, tuman tushishi, shamol tezligi sekundiga 5-10 metrgacha kuchayishi kutilmoqda.

Shu munosabat bilan, Favqulodda vaziyatlar vazirligi yo‘l transport hodisalari bilan bog‘liq favqulodda vaziyatlarning oldini olish maqsadida, dovon hududida harakatlanishdan oldin xavfsizlik qoidalariga e’tibor qaratish haqida ogohlantirdi.