AQShning Detroyt shahridagi General Motors zavodining qariyb 50 000 ishchilari ish tashlash e’lon qildilar. Bu haqda Associated Press xabar qilmoqda.

General Motors ishchilari 55 ta ob’yektda yangi to‘rt yillik shartnomaga qarshi namoyish qilmoqdalar.

Bungacha 31 ta zavoddagi 46 000 ishchilar ish tashlash yoki keyingi ko‘rsatmalar bo‘yicha ishlamaslik haqida kasaba uyushmalariga ma’lum qilgandilar.

Kasaba uyushmalari so‘nggi bor 2007 yili ish tashlash e’lon qilgandilar. O‘shanda General Motors kompaniyasining 73 000 nafar ishchilari 2 kun davomida ish tashlagandilar.