Germaniya sog‘liqni saqlash vaziri Yens Shpan mamlakat epidemiyani nazoratga olganini ma’lum qildi.

Uning so‘zlariga ko‘ra, virusni yangidan yuqtirib olayotganlar soni kamaymoqda.

Shu vaqtga qadar koronavirusni yuqtirib olganlar soni 138 mingni tashkil qiladi, ulardan 4101 nafari vafot etgan.

Bu Yevropadagi eng past o‘lim ko‘rsatkichi sanaladi.

Mutaxassislar Germaniya muvaffaqiyatlari siri o‘z vaqtida tashkil qilingan keng miqyosdagi tekshirib ko‘rish deb hisoblamoqda.

Germaniya karantin qoidalarini yumshatishni boshladi. Mamlakatda kelasi haftadan unchalik katta bo‘lmagan do‘konlar ochiladi, may oyi boshidan maktablarda ta’limni qayta tashkil qilish rejalashtirilgan.