Google korporatsiyasi «o‘xshamay qolgan» xizmatlaridan voz kechishi bilan mashhur. Masalan, ko‘plab foydalanuvchilar 6 yil avval faoliyatini to‘xtatgan RSS-agregatori Google Reader’ni eslasa kerak. Raqamli fotografiya bilan ishlaydigan Google Picasa va Googleʼning shaxsiy ijtimoiy tarmog‘i Google+ ham muvaffaqiyatsiz chiqqan.

Hattoki «Google o‘ldirgan» degan maxsus sayt ham bor. U yerda Googlening «o‘lgan» loyihalari va yaqin vaqtlarda yo‘q bo‘ladigan loyihalari kiritilgan. Google virtual emas, real hayotda ham shunaqa «qabriston» qilishga qaror qildi.

Google Reader, Picasa va boshqa xizmatlarning qabr toshlari joylashgan «qabriston»ning fotosurati korporatsiya xodimi Dana Frid tomonidan «dahshatli yoki qayg‘uli ekanligiga ishonchim komil emas» yozuvi bilan twit qoldirilgan.

The Vergening yozishicha, «qabriston» Xellouinga tayyorgarlik ko‘rish uchun Siʻtldagi Google ofisining foyesiga o‘rnatilgan.