SIPRI (Tinchlik muammolari bo‘yicha Stokgolm xalqaro tadqiqotlar instituti) harbiy xarajatlari eng yirik mamlakatlar reytingini e’lon qildi.
2018 yili jahon harbiy xarajatlari 1,8 trillion dollarni tashkil etdi. Ushbu ko‘rsatgich 2017 yilga qaraganda 2,6 foizga ko‘proq.
Hisobotga ko‘ra, AQSh 2018 yilda harbiy maqsadlar uchun eng ko‘p mablag‘ sarflagan mamlakatlar yetakchisiga aylandi. 2010 yildan buyon ilk marotaba AQSh xarajatlari 4,6 foizga o‘sib, 649 milliard dollarni tashkil etdi.
Harbiy byujeti eng yirik mamlakatlar birinchi beshligiga Xitoy, Saudiya Arabistoni, Hindiston va Fransiya kiritilgan. Ma’lum bo‘lishicha, jahondagi jami harbiy xarajatlarning 60 foizi aynan shu yetakchi beshlikka to‘g‘ri keldi.