Bugun Moskva shahrida professional boks kechasi tashkil etiladi.
Oqshom doirasida Rio Olimpiadasi g‘olibi Hasanboy Do‘smatov ringga ko‘tariladi. Hasanboyning prof ringdagi ikkinchi raqibi rossiyalik Pavel Gunchenko bo‘ladi. Kecha har ikki bokschi ham tarozidan o‘tish marosimida ishtirok etishdi va belgilangan vazn me’yorini bajarishdi.
Ma’lumot uchun, Hasanboy Do‘smatov 2019 yilning noyabr oyida Meksikada o‘z debyutini nishonlagan va o‘shanda meksikalik Xesus Villanuevani ikkinchi raundda nokautga uchratgandi. Gunchenko ham 2019 yilda professional boksda debyut qilgan va raqibini 4 raundlik jangda ochkolar evaziga mag‘lub etgan edi.
Gunchenko havaskor boksda Shahobiddin Zoirovga mag‘lub bo‘lgan edi.