Avval xabar qilganimizdek, bugun AOKA huzuridagi shtabda Sanitariya-epidemiologiya nazorati davlat inspeksiyasi bosh inspektori Nurmat Otabekov ishtirokida brifing o‘tkazildi. Unda muhim savol va murojaatlar yuzasidan ma’lumotlar taqdim etildi:

Savol: Tahlil natijasidagi 1 marta xatolik, 2- natijada manfiy bo‘lsa karantinda ushlab turish mumkinmi?

Javob: Agar birinchi marta koronavirusga topshirgan tahlil natijasi musbat chiqqan bo‘lsa kasalxonada nazoratda bo‘lishi kerak, ikkinchi marta tahlil natijasi manfiy chiqsa ham 14 kun nazoratda bo‘ladi.

Savol: Koronavirusga chalinganlarning ko‘pchiligi xalqaro yuk tashuvchi haydovchilar. Ularning vaqtida karantinga olinishi ta’minlanyaptimi?

Javob: Ha, epidemik noxush davlatlarga borib kelgan barcha shaxslar 14 kun muddatga karantinga olinyapti.

Savol: Ko‘plab virus tashuvchisi bo‘lgan hasharotlar (burga, klapa, chivin) koronavirus tashuvchisi bo‘lishi mumkinmi?

Javob: Yo‘q, bu hasharotlar koronavirus infeksiyasi tashuvchisi bo‘lishmaydi.