Internetda Samarqand shahrida yashovchi Mustahkam ismli ayolning doimiy ravishda turmush o‘rtog‘i tomonidan kaltaklanib kelishi haqida videolavhalar tarqaldi. Ushbu holat jamoatchilik tomonidan keskin muhokama qilindi. Eri majburlab pampers yedirgan va doimiy xo‘rlab kelinganiga qaramay ayolni hokimlik yarashtirmoqchi bo‘lgani aytildi. Keyinchalik ayolni yarashtirish bilan bog‘liq xabarlar rad etildi.
Holat o‘rganilib, zo‘ravon er Toshkentda qo‘lga olindi. Davomli sud jarayonlaridan keyin Jinoyat ishlari bo‘yicha Samarqand shahar sudi zo‘ravon erkak Sh.K. ni 6 yilga ozodlikdan mahrum qilish bo‘yicha hukm chiqardi.
Yaqinda Mustahkam uzining ijtimoiy tarmoqlardagi sahifasiga video joylashtirdi. Unda ayol shuncha jabr-zulmlarga qaramay erini kechirishi va yarashishini e’lon qildi. U ijtimoiy tarmoqlardagi qaynota va qaynonasi tomonidan pul bilan sotib oldi degan xabarlarni rad etdi va ular haqida juda iliq fikrlarni bildirdi.