Hindistonda koronavirusga chalinganlar soni 600 mingdan oshdi

Hindistonda koronavirusga chalinganlar soni 600 mingdan oshdi

Hindistonda kunlik koronavirus infeksiyasi aniqlangan holatlar soni 19,1 mingga oshdi va 604 641 ni tashkil etdi, deya xabar beradi Sog‘liqni saqlash va oila farovonligi vazirligi.

Vazirlik ma’lumotlariga ko‘ra, mamlakatda 226 947 kishi davolanmoqda, 359 859 kishi tuzaldi (kunlik sog‘ayish 11 881), 17 834 (kuniga 434) vafot etdi.

Chorshanba kuni kasallikning 585,493 holati qayd etildi (kunlik o‘sish 18,6 mingdan oshdi), seshanbada esa - 566 840 kasallik (har kuni o‘sishi 18,5 mingdan ko‘proq). Jon Xopkins universiteti hisob-kitoblariga ko‘ra, Hindiston kasalliklar soni bo‘yicha dunyoda to‘rtinchi o‘rinda turadi.

Maxarashtra shtati mamlakatda eng ko‘p zarar ko‘rgan hudud sanaladi, bu yerda 180 298 (kuniga 5537) kasallanish holati qayd etildi. 

Kasallanganlar sonining ko‘payishiga qaramay, iyun oyi oxirida rasmiylar izolyatsiyadan chiqib ketishning ikkinchi bosqichini e’lon qildi. Yangi qoidalarga ko‘ra, koronavirus tarqalish zonasi deb e’lon qilingan joylarda, kasalliklarning soni ko‘payayotgan joylarda izolyasiya rejimi 31 iyulgacha uzaytiriladi. Maktablar va universitetlarning faoliyati to‘xtatib qo‘yilishi o‘sha davrga qadar uzaytirildi. 8 iyun kuni boshlangan birinchi bosqichda ibodatxonalar, mehmonxonalar, restoranlar va savdo markazlarini ochishga ruxsat berildi.