O‘zbekiston hindistonlik kino ijodkorlari bilan hamkorlikda Boburiylar sulolasi haqida umumiy byudjeti 9 million dollarlik veb-serial suratga oladi. Bu haqda “O‘zbekkino” Milliy agentligida Bosh direktori bilan Hindistonning “Wingspan Entertainment” kinokompaniyasi vakili Niraj Ratsi o‘rtasida bo‘lib o‘tgan videokonfrensiya shaklida uchrashuvda ma’lum qilindi, deya xabar beradi Dunyo agentligi.
Hindiston tomonidan taxminan 1 million dollar mablag‘ O‘zbekistondagi suratga olish ishlari uchun ajratiladi. Tasvirga olish ishlarining ma’lum qismi yurtimizning Buxoro, Xiva, Samarqand viloyatlarida amalga oshiriladi.
Hindistonlik kinomutaxassislar xalqaro parvozlar bilan bog‘liq vaziyatning barqarorlashishiga umid qilgan holda, joriy yilning kuzida O‘zbekistonga tashrif buyurishni rejalashtirishayotganini ma’lum qildi.