AOKAda o‘tkazilgan brifingda Ichimlik suvini nazorat qilish inspeksiyasi boshlig‘i o‘rinbosari G‘ayrat Rahimov tizim faoliyati yuzasidan ma’lumot berdi.
Ma’lum qilinishicha, iste’molchilarga yetkazib berilayotgan ichimlik suvidan olingan 102 895 ta sinov tahlilning 9 378 tasida (9,1%) ichimlik suv sifati belgilangan sanitariya talablariga javob bermasligi aniqlangan.
Shuningdek, “Obod qishloq” va “Obod mahalla” dasturlari asosida 2021 yilda ichimlik suv ta’minoti va oqova suv chiqarish ob’yektlarini qurish hamda rekonstruksiya qilish bo‘yicha, jami 580 ta qurilish ob’yekti monitoring qilinib, ulardagi 731 dan ortiq aniqlangan kamchilik joyida bartaraf etildi.