IIV axborot xizmati karantindan so‘ng bolalarning masjidga kattalar hamrohligida kelib-ketishi mumkinligi va bu borada hech qanday cheklov bo‘lmasligini bildirdi.
"Ichki ishlar vazirligi masjidlarga voyaga yetmagan fuqarolar va bolalarning o‘z ota, aka-uka va yaqin qarindoshlari hamrohligida namoz o‘qish uchun erkin kelib-ketishlari mumkinligini eslatib, bunga qonunchiligimizda hech qanday taqiqlar mavjud emasligini alohida ta’kidlaydi.
Vazirlik vatandoshlarimizning din erkinligi sohasidagi huquqlarini himoya qilishda hamda ushbu yo‘nalishda biror bir qonunga zid to‘siqlar va sun’iy cheklovlar o‘rnatilishiga qarshi kurashishda davom etadi", deyiladi IIV bayonotida.