13 iyun kechasi soat taxminan 01.30 da poytaxtning Chilonzor tumanida profilaktika inspektori o‘z hududida xizmat vazifasini o‘tayotgan vaqtida salonida ikki noma’lum shaxs bo‘lgan «Lasetti» avtomobili e’tiborini tortadi. Ularning shaxsini aniqlash maqsadida oldiga borib shaxsini tasdiqlovchi hujjatlarini so‘raydi. Biroq haydovchi inspektorning talabiga bo‘ysunmay, avtomobilni harakatga keltiradi. Inspektor mashinaga oldiga turib olsa-da, u harakatlanishda davom etadi. IIB xodimi mashina urilishidan qochish uchun kapot qismiga chiqib olishga majbur bo‘ladi. Birozdan so‘ng avtomobilning ustidan sakrab tushib qoladi, haydovchi esa voqea joyidan yashirinadi.
Poytaxt IIBBdan ma’lum qilinishicha, qisqa vaqt ichida avtomobil topilib, haydovchi va yo‘lovchi qo‘lga olingan. Tekshiruvlar chog‘ida 37 yoshli haydovchi Soxib X. va 18 yoshli Alena K. taqiqlangan psixotrop dori vositalarini qabul qilganligi aniqlangan.
Holat bo‘yicha dastlabki tergov harakatlari olib borilmoqda, deyiladi IIBB xabarida.