Ijtimoiy tarmoqlarda "Jentra, Tomida esa ayol kishi qanday tushunish mumkin?" izohi bilan tarqalgan videoxabar yuzasidan Namangan viloyati IIB YHXBning rasmiy munosabati.
2022 yil 5 mart kuni soat 16:35lar chamasida Namangan shahar Kosonsoy ko‘chasida 50 202 SAA davlat raqam belgili "Lacetti" rusumli avtomashinada bo‘lgan yo‘lovchi harakat vaqtida tana qismini transport vositasi salonidan (Yo‘l harakati qoidasining 138-bandida ko‘rsatilgan qoidalarni buzib) chiqarib olgani va bu holatga haydovchi tomonidan to‘sqinlik qilinmaganligi uchun haydovchiga nisbatan ma’muriy bayonnoma rasmiylashtirildi.
Hurmatli harakat ishtirokchilari, avtomobil qatnov qismida nafaqat yo‘l qoidasini balki ahloq qoidalarini ham unutmang! Aks holda nafaqat hamyoningiz balki salomatligingizga ham jiddiy zarar yetishi mumkin — deyiladi rasmiy munosabatda.