Amerikaning Tesla elektr avtomobil ishlab chiqaruvchi kompaniyasining aksiyalari qiymati tarixda ilk bor 1000 AQSh dollaridan oshdi.
10 iyun kuni tushdan keyin o‘tkazilgan savdo paytida kompaniya aksiyalari qiymati 1006,78 dollarga etdi. Toshkent vaqti bilan 19:13 ga kelib, aksiya yana 999,62 dollargacha tushdi.
Tesla aksiyalarining narxi NASDAQ-100 yuqori texnologiyalar indeksidagi koronavirus pandemiyasi sababli uzoq vaqt davom etgan turg‘unlikdan so‘ng rekord darajadagi o‘sishga erishdi. 9 iyun kuni bu ko‘rsatkich 10000 punktdan oshdi.