Xitoydagi koronavirus o‘chog‘i hisoblangan Uxan shahrida ilk bor bironta ham koronavirus yuqtirib olish holati kuzatilmadi. Bu haqda Reuters xabar berdi.

Xitoy Sog‘liqni saqlash milliy komissiyasining ma’lumotlariga ko‘ra, o‘tgan sutkada Xitoyda COVID-19 infeksiyasini 34 kishi yuqtirib oldi. Undan 21 tasi mamlakat poytaxti Pekinda qayd etildi.

2019 yilning 31 dekabr kuni Xitoy hukumati Uxan shahrida pnevmoniya kasalligi avj olgani haqida rasman ma’lum qilgan edi. 2020 yilning 11 mart kuni Jahon sog‘liqni saqlash tashkiloti koronavirusning yangi turini pandemiya deb e’lon qilgan.