Oyning quyosh nurlari bilan yoritiladigan tomonida ilk marotaba suv borligiga oid dalillar topildi. Bu haqda dushanba kuni NASA bosh direktori Jim Braydenstayn tvitterda ma’lum qildi, deb yozadi "Izvestiya" gazetasi.
Bu kashfiyot Boing samolyoti negizida joylashgan Infraqizil Astronomiya Observatoriyasi yordamida amalga oshirildi. Suv molekulalari Yerdan ko‘rinadigan eng katta kraterlardan biri bo‘lgan Klavius kraterida topildi. U oyning janubiy yarim sharida joylashgan.
Kashfiyot shuni ko‘rsatadiki, suv oy yuzasida taqsimlanishi mumkin va u faqat muzlatilgan soyali joylar bilan cheklanmaydi. Shuningdek, u suvning qanday yaratilishi va oyning qattiq havosiz yuzasida qanday saqlanishi haqida yangi savollar tug‘diradi.
"Biz bu suvdan manba sifatida foydalanishimiz mumkinligini hali bilmaymiz, ammo Oyda suvning borligi bizning tadqiqot rejalarimizning kalitidir", - dedi NASA bosh direktori.
"Bizda H2O Oyning quyosh tomonida bo‘lishi mumkinligi haqida tahminlar mavjud edi. Endi biz bu haqiqat ekanligini bilamiz. Ushbu kashfiyot bizning Oy yuzasi haqidagi tushunchamizga qarshi turadi va chuqur kosmik tadqiqotlar bilan bog‘liq manbalar haqida qiziq savollarni tug‘diradi", - deydi Vashingtondagi NASA shtab-kvartirasining Astrofizika bo‘limining direktori Pol Hertz AstroNews nashriga bergan intervyusida.