Tadbirkor va ixtirochi, Tesla kompaniyasining asoschisi Ilon Maskning o‘z Twitterida yozgan birgina #bitcoin so‘zi kriptovalyuta qiymatining naqd 14%ga qimmatlashiga olib keldi. Bu so‘nggi ikki haftadagi eng yirik natijadir.
Ta’kidlash kerakki, Mask Bitcoin haqida birinchi bor yozmayapti. O‘tgan oyda undan Tesla mablag‘lariga kriptovalyutani aralashtirish haqida so‘ralgan edi. Maskni Twitter tarmog‘ida 44 million nafar foydalanuvchi kuzatishini inobatga olsak, uning har bir so‘zi fond bozorlari uchun juda muhim ahamiyat kasb etadi.
Misol uchun payshanba kuni tadbirkor Cyberpunk o‘yinini maqtagan edi. Buning oqibatida o‘yin yaratuvchi kompaniyaning aksiyalari rekord darajaga ko‘tarildi.