Osiyoda hamkorlik va ishonch choralari bo‘yicha kengash sammitida qatnashgan davlat rahbarlari uchun uyushtirilgan do‘stlik kechasi  Tojikiston prezidentining shahardan tashqaridagi rezidensiyasida bo‘lib o‘tdi.

Sammitda ishtirok etish uchun O‘zbekiston, Xitoy, Eron, Ozarbayjon, Qozog‘iston, Qirg‘iziston. Bangladesh, Shri-Lanka, Turkiya va Rossiya Prezidentlari hamda Afg‘oniston Bosh vaziri Abdulla Abdulla Tojikiston poytaxtiga tashrif buyurgan.

Bundan tashqari, Dushanbega Bahrayn, Vetnam, Misr, Isroil, Hindiston, Ioraniya, Iroq, Qatar, Kambodja, Janubiy Koreya Mo‘g‘uliston, Birlashgan Arab Amirliklari, Pokiston, Falastin, Tailand, Belarus, Indoneziya, AQSh, Filippin, Malayziya, Ukraina, Yaponiyadan yuqori martabali delegatsiyalar va BMT, YeXHT, ShHT, MDHdan vakillar kelgan.

Oliy martabali mehmonlarga tojik milliy uyi, milliy hunarmandlik namunalari, milliy taomlarni tayyorlash jarayoni hamda ushbu o‘lkada yetishtirilgan meva-sabzavotlar va poliz ekinlari namoyish qilindi.

Shundan so‘ng prezidentlar Varzob rezidensiyasidan ochiladigan ajoyib tabiat manzaralarini tomosha qilishdi.