Indoneziyaning Yava orolida joylashgan neftni qayta ishlash zavodida yong‘in sodir bo‘ldi.
Mahalliy gazetaning xabar qilishicha, yong‘in portlash natijasida kelib chiqqan.
Alanga mahalliy vaqt bilan dushanba tongida yuzaga kelgan. Buning natijasida 5 kishi kuchli kuyib, yana 15 kishi kichik jarohatlar oldi. Jabrlanganlarning barchasi yaqin atrofdagi kasalxonalarga yetkazildi. Ular orasida zavodga yaqin joylashgan uylarda yashovchilar ham bor.
Guvohlarning aytishicha, olov 5 km masofadan ko‘rinmoqda. Pertamina neftni qayta ishlash zavodi Indoneziya poytaxti Jakartadan 200 km uzoqlikda joylashgan.