Bugun, 4 oktyabrda imzolangan Prezident qarorida inson a’zolari va to‘qimalarini transplantatsiya qilish bo‘yicha bir qator muhim vazifalar belgilangan. Jumladan:
● transplantologiya sohasida fundamental va amaliy tadqiqotlarni amalga oshirish hamda innovatsion loyihalarni ishlab chiqish;
● yuqori texnologik transplantatsiya amaliyotlarini amalga oshirish usullarini o‘rganish va joriy etish;
● xorijiy davlatlarning mazkur sohadagi ilmiy tashkilotlari, markazlari hamda ekspertlari bilan hamkorlik aloqalarini o‘rnatish va birgalikda tadqiqotlarni tashkil qilish;
● transplantologiya yo‘nalishida malakali ilmiy kadrlar tayyorlanishiga ko‘maklashish Xirurgiya markazining qo‘shimcha vazifalari etib belgilangan.
Shuningdek, qarorga muvofiq, Xirurgiya markazida bazaviy moliyalashtirish tizimi asosida faoliyat yuritadigan Inson a’zolari va to‘qimalari transplantatsiyasi ilmiy laboratoriyasi hamda 2021/2022 o‘quv yilidan boshlab Toshkent tibbiyot akademiyasining Xirurgiya va transplantologiya kafedrasi tashkil etiladi.