Ramazon hayiti munosabati bilan Termiz shahridagi "Ayritom" chegara o‘tkazish punkti orqali jo‘natilgan O‘zbekiston Respublikasining birodar Afg‘oniston xalqiga navbatdagi insonparvarlik yordami Balx viloyatining Xayraton shahriga yetib bordi.

Shu munosabat bilan bu yerda Prezidentimizning Afg‘oniston bo‘yicha maxsus vakili Ismatulla Irgashev, Surxondaryo viloyati hokimi To‘ra Bobolov, Afg‘oniston muvaqqat hukumati rasmiy vakili Zabihullo Mujohid, Balx viloyati gubernatori Qudratillo Abu Hamza va boshqa rasmiylar ishtirokida insonparvarlik yordamini topshirish marosimi bo‘lib o‘tdi, deya xabar beradi Surxondaryo viloyati hokimligi Matbuot xizmati.