Iroq bosh vaziri Odil Mahdiy norozilik namoyishlarida halok bo‘lganlarga bag‘ishlab mamlakatda uch kunlik motam e’lon qilishini bildirdi. RIA Novosti xabariga ko‘ra, motam payshanba kunidan shanbagacha davom etadi.

Norozilik namoyishlari 1 oktyabr kuni poytaxt Bag‘dodda boshlandi va qisqa vaqtda boshqa shaharlarga ham yoyildi.

Namoyishchilar hukumatning iste’fosini, ishsizlik muammosining hal etilishini va korrupsiyaga qarshi kurashning kuchaytirilishini talab qilmoqda. Oxirgi ma’lumotlarga ko‘ra, namoyishlar chog‘ida 165 kishi halok bo‘lgan va 6 mingdan ziyod kishi jarohat olgan.