Irrigatsiya instituti rektori vafot etdi

Irrigatsiya instituti rektori vafot etdi

Respublika oliy ta’lim kengashi raisi, Toshkent irrigatsiya va qishloq xo‘jaligini mexanizatsiyalash muhandislari instituti rektori, iqtisod fanlari doktori, professor O‘ktam Umurzoqov 69 yoshida vafot etdi. Bu haqda institut Matbuot xizmati xabar berdi.  

O‘ktam Umurzoqov 1952 yil 20 avgust kuni tug‘ilgan. U 1974 yildan 1977 yilgacha Toshkent irrigatsiya va qishloq xo‘jaligini mexanizatsiyalash injenerlari institutining “Mashinalar puxtaligi va remonti” kafedrasining kichik ilmiy xodimi lavozimida ish boshlagan. Shundan keyin institutda kichik ilmiy xodim, turli fakultetlar dekani, prorektor va rektor lavozimlarida ishlagan.  

Bosh vazir o‘rinbosari, investitsiyalar va tashqi savdo vaziri Sardor Umurzoqov marhumning o‘g‘li hisoblanadi.