Ispaniya Bosh vaziri Pedro Sanches 16 iyul kuni mamlakatda koronavirus pandemiyasida vafot etgan 27 mingdan ortiq ispanlar xotirasiga bag‘ishlangan marosim bo‘lishini ma’lum qildi.
Bosh vazirning so‘zlariga ko‘ra, marosimda Ispaniya qiroli Filipp VI, Yevropa Ittifoqi hamda JSSTning yuqori lavozimli amaldorlari ishtirok etadi.
Ispaniya koronavirus pandemiyasi boshlangandan beri eng qattiq karantin qoidalarini qo‘llagan mamlakatlardan biri. Kasallik tarqalishining oldini olish uchun qirollik qariyb ikki oy qat’iy cheklovlardan foydalandi.
Ispaniyada umumiy hisobda 244 mingdan ortiq koronavirus yuqtirish holatlari aniqlandi. Vafot etganlar soni 27 136 kishiga yetdi.