Isroil va AQSh delegatsiyasining Manama shahri (Bahrayn) ga tashrifi chog‘ida Bahrayn va Isroil o‘rtasida munosabatlarni normallashtirishga qaratilgan shartnoma imzolandi.

Shartnoma Bahrayn Tashqi ishlar vaziri Abdul Latif bin Rashin az-Zayani va Isroil Milliy xavfsizlik kengashi raisi Meir Ben Shabbat tomonidan imzolandi. Marosimda AQSh Moliya vaziri Stiven Mnuchin ham ishtirok etdi.

O‘tgan oy Bahrayn AQSh vositachiligida Birlashgan Arab Amirliklari ortidan Isroil bilan munosabatlarni normallashtirishga kelishib, har qanday mintaqaviy yaqinlashishdan oldin davlatchilikni talab qilayogan falastinliklarni hayratda qoldirdi.

Diplomatik aloqalar "turli sohalarda konstruktiv hamkorlikka" olib keladi, dedi bahraynlik vaziri. Diplomatik munosabatlarni o‘rnatish to‘g‘risida Isroil va Bahrayn bir oy oldin 11 sentyabrda kelishib olishgan, bunday qaror Birlashgan Arab Amirliklari tomonidan qabul qilingan. O‘sha vaqtga qadar faqat Misr va Iordaniya arab mamlakatlaridan Isroil bilan diplomatik aloqalarni olib borishgan.

15 sentyabr kuni Vashingtondagi Oq uyda bo‘lib o‘tgan marosimda Abu-Dabi va Manama Isroil bilan yaqinlashishni rasmiylashtirdilar. AQSh prezidenti Donald Tramp bu kunni "Yaqin Sharqda tinchlik o‘rnatish uchun tarixiy" deb atadi. Bahrayn va BAA misolida muzokaralar olib borilayotgan "besh yoki olti mamlakat" davom etishi mumkin, dedi Tramp, ammo aniq mamlakatlar nomini aytmadi.

Falastin rahbariyati Isroil bilan munosabatlarning normallashishini qoraladi. Falastin milliy ozodligi harakati (FATH) vakillari buni "pichoqlanish" bilan taqqosladilar.