Italiyada Putin bilan aloqador bo‘lgan «Scheherazade» mega-yaxtasi qo‘lga olindi. Bu haqda «BBC news» manbasi xabar qildi.
Italiya hukumati juma kuni «Scheherazade» yaxtasini Rossiya prezidenti Vladimir Putinga tegishli ekanligi haqidagi xabarlar tufayli uning egasi kim bo‘lishi mumkinligi noaniqligi sababli muzlatib qo‘yishga qaror qildi France Press.
700 million dollarlik mega-yaxta Italiya moliya politsiyasi tomonidan tergov mavzusi bo‘ldi. Tergov «Scheherazade»ning rasmiy egasi va Rossiya hukumatining taniqli vakillari, shuningdek, Rossiyaning Ukrainaga bostirib kirishi ortidan sanksiyalar ostida qolgan boshqa sub’yektlar o‘rtasida muhim iqtisodiy va biznes aloqalari mavjudligini aniqladi deyiladi Italiya Moliya vazirligi xabarida.
Shundan so‘ng Iqtisodiyot va moliya vaziri Daniyele Franko yaxtani musodara qilish to‘g‘risidagi buyruqni imzoladi. Qaror boshqa hashamatli yaxtalarni musodara qilgan Yevropa Ittifoqining bosqindan keyingi sanksiyalariga mos keladi. Italiya politsiyasi yaxta egasini topish uchun qo‘lidan kelganicha harakat qilayotganini aytdi.
2020 yilda Germaniyaning Luerssen kompaniyasi tomonidan qurilgan 140 metrli yaxtada ikkita vertolyot maydonchasi, suzish havzasi va kinoteatr mavjud, deya xabar beradi SuperYachtFan.
O‘tgan yilning sentyabr oyidan beri kema Toskana chekkasidagi Marina di Karrara shahridagi kemasozlik zavodida ta’mirlash uchun bog‘langan. Juma kuni u suzib ketmoqchi edi, dedi France-Presse fotografi (Italiya hukumatining bayonoti e’lon qilinishidan oldin).
Mart oyi oxirida agentlikka Italiya tergoviga yaqin manbaning aytishicha, yaxtaning egaligini aniqlash har doim ham oson emas.
Scheherazade’ning aniq egasi aniqlanmagan, biroq AQSh rasmiylari Nyu York Times’ga yaxtaning Putinga aloqadorligi haqida ma’lum qilishgan, ammo tafsilotlarni keltirmagan. Siyosatchi Aleksey Navalniyning tarafdorlari ham uni Rossiya prezidenti bilan bog‘lashadi.
Boshqa versiyalarga ko‘ra, yaxta «Rosneft» rahbarlaridan biri bo‘lgan tadbirkor Eduard Xudainatovga tegishli bo‘lishi ham mumkin.