Italiya fuqaro mudofaasi departamenti boshlig‘i Anjelo Barelli mamlakatda koronavirusdan vafot etganlar soni 100 nafardan oshganini e’lon qildi.
So‘nggi ma’lumotlarga ko‘ra, 107 kishi vafot etdi, 2706 kishi koronavirus yuqtirib oldi.
Italiya hukumati 3 aprelga qadar barcha sport o‘yinlarini tomoshabinlarsiz o‘tkazishga qaror qildi. Bu haqda Football Italia xabar berdi.
Bu qaror Italiyaning barcha hududlari, jumladan koronavirus ko‘p tarqalgan viloyatlariga ham tegishli. Sport klublari sportchilarning sog‘lig‘i va virusni yuqtirmasligiga qarshi choralarni amalga oshirishi belgilandi.