O‘zbekistonlik yigit Izmaylovo bog‘ida zo‘rlab, o‘ldirib ketgan moskvalik ayol ishi bo‘yicha sud boshlandi
3.12.2019 14:54,
514
Moskva shahar sudi shu yil may oyida Izmaylovo bog‘ida bir ayolni zo‘rlab, o‘ldirib ketganlikda ayblanayotgan O‘zbekiston fuqarosining ishini ko‘rib chiqyapti. Bu haqda “Moskva” axborot agentligi poytaxt prokuraturasi matbuot xizmatiga tayanib xabar berdi.
Hodisa 2019 yil 28 mayda sodir bo‘lgan. 23 yoshli ayblanuvchi avval moskvalik ayolni zo‘rlab, keyin uning politsiyaga murojaat qilishidan qo‘rqib bo‘g‘ib o‘ldirgan va jinoyat joyidan berkingan.
Moskva shahar prokuraturasi 23 yoshli o‘zbekistonlikka nisbatan Rossiya Federatsiyasi JKning 131- (jinsiy zo‘rlash) va 105-moddalari (boshqa jinoyatni berkitish uchun qotillik qilish) bilan jinoiy ish ochilganini tasdiqladi.