Jahon iqtisodiyoti va diplomatiya universitetida darslar onlayn shaklda davom etadi. Bu haqda universitet axborot xizmati ma’lum qildi:
Jahon iqtisodiyoti va diplomatiya universitetida o‘tgan hafta mobaynida ba’zi kam sonli talabalar orasidan koronavirus infeksiyasi qayd etildi. Kasallikning talaba va o‘qituvchilar orasida tarqalishini oldini olish maqsadida universitetda o‘quv jarayoni 14 kunga masofaviy (onlayn) shaklga o‘tkazildi.
Mashg‘ulotlar universitetning Moodle masofaviy ta’lim tizimi orqali davom etadi.
Karantin talablariga rioya qiling, salomatligingizni asrang!