«Numbeo» servisi jahon mamlakatlaridagi 2021 yilgi jinoyatchilik darajasi indeksini taqdim etdi.
Reyting qanday hisoblanadi?
Juda oddiy: Crime Index — Jinoyatlar indeksi, Safety Index — Xavfsizlik indeksi. Umumiy 100 ball har ikki holat darajasiga qarab taqsimlanadi: Ballar Jinoyatlar indeksida qancha past va aksincha, Xavfsizlik indeksida qancha yuqori bo‘lsa, shuncha yaxshi.
O‘zbekistonning 2021 yildagi ko‘rsatkichlari: Crime Index — 34,70, Safety Index — 65,30 ball.Shu ko‘rsatkichlar asosida O‘zbekiston dunyodagi xavfsizlik jihatidan 40-mamlakat. Holbuki, 2020 yil o‘rtalarida mamlakatimiz bu borada 26-o‘rinda edi — 14 pog‘ona pasaydik.
«Numbeo» talqiniga ko‘ra, yangilangan reytingda O‘zbekiston xavfsizlik borasida Litva va Kuvaytdan ortda, Vengriya va Germaniyadan oldinda:
Xavfsizlik bobida O‘zbekiston Osiyoda 19-o‘rinda (2020 yil o‘rtalarida 12-o‘rinda edi). Yoki boshqacha aytganda, jinoyatlar sodir etilishi bo‘yicha qit’amizda 43 mamlakat orasida 25-o‘rinda.
Jahon miqyosida jinoyatchilik eng avjiga chiqqan besh mamlakat xuddi o‘tgan yilgilar: Venesuela (84.25), Papua-Yangi Gvineya (80.24), JAR (77.07), Afg‘oniston (76.37), Gonduras (74.78).
Jahonda jinoyatlar eng kam sodir etilayotgan, eng xavfsiz besh mamlakat va hudud: Qatar (12.29), Tayvan (15.24), BAA (15.35), Ummon (20.26) va Men oroli (20.79). O‘tgan yili 4-o‘ringa ko‘tarilgan Gruziya bu safar 10-o‘rinda-deya yozmoqda Xabar.uz