Sotsiologiya fanlari bo‘yicha falsafa doktori Azizov Ulug‘bek Botirovich O‘zbekiston davlat jahon tillari universiteti rektori etib tayinlandi. Bu haqda universitet matbuot xizmati xabar berdi.
Ma’lum qilinishicha, Ulug‘bek Azizov 2016 yildan hozirga qadar O‘zbekiston davlat jahon tillari universiteti prorektori lavozimida faoliyat yuritib kelgan.
Ma’lumot o‘rnida, universitetning avvalgi rektori G‘anisher Rahimov aprel oyida Samarqand davlat universitetining Denov tadbirkorlik va pedagogika instituti rektori etib tayinlangan edi.