Koreya Respublikasining Bosh vaziri Chon Se Gyung virusga qarshi kurashish va o‘z mamlakatida amalga oshirilayotgan iqtisodiyotni tiklashning uchta asosiy strategiyasini belgilab berdi. Bosh vazir bu haqda “Ochiq innovatsiyalar” forumidagi nutqi paytida aytib o‘tdi, deb xabar beradi RBK.
Birinchi strategiya sanitariya-yepidemiologiya tadbirlarini muvaffaqiyatli amalga oshirishdir. Chon Se Gyungning fikriga ko‘ra, bu iqtisodiy tiklanishning to‘g‘ridan-to‘g‘ri yo‘li. "Koronavirusga qarshi kurash ham, iqtisodiyot ham ikkita muhim maqsad va ular o‘rtasidagi muvozanatni saqlash uchun oqilona yondashuv zarur", - dedi Bosh vazir.
"Uchta T strategiyasi deb ataladigan strategiya o‘zining samaradorligini namoyish etdi, bu quyidagilarni o‘z ichiga oladi: ommaviy test olish (test), yuqtirgan odamlarning aloqalarini aniqlash (trace) va bemorlarni dastlabki bosqichda davolash (treatment)", - deya qo‘shimcha qildi Bosh vazir. Uning ta’kidlashicha, koreyslar epidemiyaga qarshi barcha tadbirlarda faol ishtirok etgan, bu esa jamiyatda keng ko‘lamli cheklovlarni joriy qilmasdan infektsiyaning keyingi tarqalishini oldini olishga imkon bergan.
Ikkinchi strategiya - Chon Se Gyungning so‘zlariga ko‘ra iqtisodiyot va jamiyat tarkibidagi keng ko‘lamli o‘zgarishlarga tayyorgarlik. «Global pandemiya tufayli biz yangi normallik davriga kirmoqdamiz, bu vaqtda global ishlab chiqarish zanjirlari qayta tiklanib, yangi dunyo tartibi talab etiladi.
Hukumatimiz yangi Koreya rivojlanish shartnomasi deb nomlangan yangi rivojlanish strategiyasini e’lon qildi. Strategiyaning mohiyati ishonchli bandlikni himoya qilish tizimiga asoslangan barcha sohalarda raqamlashtirishdir», - deya tushuntirdi Bosh vazir. Yangi kursni amalga oshirishda rasmiylar 900 ming ish o‘rni yaratmoqchi va investitsiyalar hajmi 2025 yilgacha 58 trillion koreys vonini ($50,96 mln.) tashkil qiladi.
Davlat boshqaruvi va ta’lim tizimlari ham raqamlashtirish bosqichidan o‘tadi. Bundan tashqari, Janubiy Koreya kichik va o‘rta biznes uchun masofadan turib ishlash formatini qo‘llab-quvvatlaydi, o‘z-o‘zini ish bilan ta’minlaydiganlarga yordam beradi va "aqlli" (smart) ishlab chiqarishlarni tashkil etishga ko‘mak beradi.
Uchinchi strategiya aholining zaif qatlamlarini himoya qilishning ijtimoiy-iqtisodiy tizimini qamrab oladi. "Hukumatimiz koronavirus ta’siriga uchragan sohalarni qo‘llab-quvvatlash va iqtisodiy inqirozni engish uchun 42,4 trillion koreys voni ($37,26 mln.) miqdorida qo‘shimcha byudjetni tasdiqladi. Ishini yo‘qotganlarga, shuningdek tovar aylanmasining qisqarishidan aziyat chekayotgan kichik va o‘rta korxonalarga va aholining zaif qatlamlariga alohida e’tibor va moddiy yordam ko‘rsatilmoqda”, - deya tushuntirdi Bosh vazir.