Janubiy Koreyaning o‘zining yadroviy qo‘shnisi Shimoliy Koreyaga qarshi mudofaa qobiliyatini oshirish maqsadida birinchi harbiy aloqa sun’iy yo‘ldoshini fazoga uchirdi. 

Janubiy Koreyaning Mudofaani qabul qilish dasturi ma’muriyati (DAPA) seshanba kuni qilgan bayonotiga ko‘ra, ANASIS-II sun’iy yo‘ldoshi AQShning Florida shtatidagi Keyp-Kanaveral havo kuchlari stansiyasidan 20 iyul kuni mahalliy vaqt bilan soat 17:30 da uchirilgan.

Milliarder Ilon Maskga tegishli bo‘lgan SpaceX xususiy raketa kompaniyasi sun’iy yo‘ldosh ko‘tarilgandan 32 minut keyin muvaqqiyatli uchganini tasdiqladi.

Hozir Janubiy Koreya harbiy-aloqa sun’iy yo‘ldoshiga ega bo‘lgan dunyodagi 10 mamlakatdan biriga aylandi.

Janubiy Koreya armiyasi sinovdan so‘ng ushbu tizimni oktabrda o‘z boshqaruviga oladi.