Jizzaxda fuqaro ov qurolidan odamlarga qarata 6 marotaba o‘q uzdi
22.10.2019 12:33,
570
Jizzax viloyatida ov qurolidan o‘q uzib, fuqarolarni qasddan o‘ldirishga suiqasd qilgan shaxs hibsga olindi.
Bosh prokuratura xabariga ko‘ra, 20 oktyabr kun soat 00.00larda Sh.Rashidov tumani, Toqchilik mahallasida fuqaro 40 yoshli Zafar I. 20 yoshli fuqaro Yorqin B. va uning qarindoshlari bilan o‘zaro janjallashgan. Janjal vaqtida u MS-2112 rusumli ov quroli bilan ularga qarata 6 marotaba o‘q uzib, qasddan o‘ldirishga suiqasd qilgan.
Mazkur holat yuzasidan Zafar I.ga nisbatan JKning 25, 97-moddasi 2-qismi "a" bandi bilan jinoyat ishi qo‘zg‘atilgan.
Hozirda jinoyatchi protsessual tartibda ushlangan va tergov harakatlari davom etmoqda.