Жиззах ва Фарғона вилоятларида одамларни ноқонуний йўл билан АҚШ ва Кореяга юбормоқчи бўлган фирибгарлар ушланди.

Жиззах вилоятида фуқаро Ш.Ш. бошқа бир фуқаро Ж.нинг ишончига кириб, уни танишлари ёрдамида Туркия, Италия ёки Мексика давлатлари орқали айланма йўллар билан АҚШ ҳудудига олиб ўтиши ва ушбу давлатда ишга жойлаштириб қўйиш эвазига 20 000 АҚШ долларини олган вақтида ашёвий далиллар билан ушланган.

Худди шундай, Фарғона шаҳрида, А.С. фуқаро Н.ни ишончига кириб, унинг 3 500 АҚШ доллари эвазига Корея давлатига ишга жўнатишни ваъда қилиб, олдиндан 300 АҚШ доллари ва 500 минг сўмни олган вақтида ашёвий далиллар билан ушланган.

Мазкур ҳолатлар юзасидан ЖКнинг 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.