Bugun Samarqand viloyati Xalq deputatlari Jomboy tuman kengashining navbatdagi sessiyasi o‘tkazildi.
Viloyat hokimi Erkinjon Turdimov ishtirok etgan sessiyada tashkiliy masala ham ko‘rildi.
Jomboy Tuman hokimligi axborot xizmatining ma’lum qilishicha, kengashning navbatdagi sessiyasida tuman hokimi etib Sobirov Qayum Xamrayevich tasdiqlandi.
Ma’lumot o‘rnida, Q.Sobirov 1970 yilda Urgut tumanida tug‘ilgan. Iqtisodchi. Bugungi kungacha O‘zbekiston Markaziy bankining Samarqand viloyat bosh boshqarmasi boshlig‘i lavozimida ishlab kelgan.
Ma’lum qilinishicha, shu paytgacha tuman hokimi sifatida faoliyat yuritgan To‘ychiyev Hamza Hakimovich o‘z arizasiga asosan, vazifasidan ozod qilingan.