2019 yilning yanvar-oktyabr oylarida qozog‘istonliklar jami 540,4 mlrd. tenge xalqaro pul o‘tkazmalarini amalga oshirgan va bu pul mablag‘larining yarmidan ko‘pi (53%) Rossiya va O‘zbekistonga to‘g‘ri keladi, deb yozmoqda finprom.kz nashri.
Joriy yilning dastlabki 10 oyida Qozog‘istondan Rossiya Federatsiyasiga 171,9 mlrd. tenge pul o‘tkazilgan. Bu esa o‘tgan yilning shu davriga nisbatan 10.2%ga kamdir. Ikkinchi o‘rinda 119,6 mlrd. tenge bilan O‘zbekiston turibdi. Bu esa o‘tgan yilga nisbatan 24%ga ko‘proq demak. Keyingi o‘rinlarda Turkiya (75,5 mlrd.), Qirg‘iziston (70,5 mlrd.) va Xitoy (28,7 mlrd.)
Qozog‘istonga pul yuborilayotgan mamlakatlar ro‘yxatini ham Rossiya boshqaryapti — 112,5 mlrd. tenge. Keyingi o‘rinlarda Janubiy Koreya (54,5 mlrd.), O‘zbekiston (25,4 mlrd.), Qirg‘iziston (24 mlrd.), AQSh (15,8 mlrd.)