2020 yilda qizamiqqa qarshi muntazam emlashda uzilishlar tufayli kasallikning yangi tarqalishi xavfi mavjud. Bu haqda Jahon sog‘liqni saqlash tashkiloti (JSST) saytida ma’lum qilindi.

«2020 yilda 22 milliondan ortiq bola qizamiqqa qarshi emlashning birinchi dozasini o‘tkazib yubordi. Bu 2019 yilga nisbatan 3 millionga ko‘p. Qolaversa, bu oxirgi yigirma yillikdagi eng katta o‘sishdir va epidemiya uchun xavfli muhit yaratadi», deyiladi JSST va AQSh Kasalliklarni nazorat qilish va oldini olish markazi qo‘shma hisobotida. 

2020 yilda qizamiq bilan kasallanganlar soni o‘tgan yilga nisbatan 80 foizdan ko‘proqqa kamaygan. Biroq, infeksiyalar soni kamayganiga qaramay, dunyoda qizamiq tarqalishi xavfi o‘sishda davom etmoqda, deya ogohlantirmoqda mutaxassislar. 

Hisobot mualliflarining fikricha, dunyoda qizamiqni epidemiologik nazorat qilish yomonlashgan. Bundan tashqari, yomon test sinovi, kasallik haqida xabardorlik ham global hamjamiyatni uning tarqalishini oldini olish qobiliyatini xavf ostiga qo‘yadi.