JSST rahbari navbatdagi pandemiyaga tayyorlanishga chaqirdi

JSST rahbari navbatdagi pandemiyaga tayyorlanishga chaqirdi

Foto: Christophe Ena / AP

Koronavirus pandemiyasi bu kabi so‘nggi epidemiya emas va jamiyat kelajakdagi pandemiyaga yaxshi tayyorlanishi kerak, dedi Jahon sog‘liqni saqlash tashkiloti (JSST) Bosh direktori Tedros Gebreyesus.

«Tarix bizga epidemiyalar va pandemiyalar hayotning bir qismi ekanligini o‘rgatadi. Ammo yangi pandemiya kelganda, dunyo bunga hozirgidan yaxshiroq tayyor bo‘lishi kerak», - dedi Gebreyesus Reuters agentligiga.

JSST yangi tipdagi koronavirusni 11 mart kuni - deyarli olti oy oldin pandemiya darajasida deb e’lon qildi. May oyida janob Gebreyesus tashkilot yaqinlashib kelayotgan pandemiyaga o‘z vaqtida javob berganini da’vo qildi. JSST rahbarining so‘zlariga ko‘ra, tashkilot hali yanvar oyida favqulodda vaziyat haqida ogohlantirgan va dunyo "aralashish uchun yetarli vaqtga ega edi" ( iqtibos CNBC'dan keltirildi).

Jon Xopkins universiteti ma’lumotlariga ko‘ra koronavirus 27,1 milliondan ortiq odamda aniqlangan, 889 mingdan ortiq kishi vafot etgan. O‘zbekistonda, Sog‘liqni saqlash vazirligi ma’lumotlariga ko‘ra, 44107 kishida COVID-19 aniqlandi, 356 kishi koronavirusdan vafot etdi.