Kanada o‘z sportchilarini Tokio olimpiadasiga yubormaydi

Kanada o‘z sportchilarini Tokio olimpiadasiga yubormaydi

Kanada Olimpiya qo‘mitasi va Kanada Paralimpiya qo‘mitasi Tokio-2020 yozgi olimpiadasiga o‘z sportchilarini yubormasligini ma’lum qildi. Bu haqda «Sport-Ekspress» xabar berdi.

Kanada Olimpiya qo‘mitasi Xalqaro Olimpiya qo‘mitasiga olimpiada o‘yinlarini ko‘chirish haqida so‘rov yuborgan. Agar olimpiada ko‘chirilmasa, Kanada koronavirus pandemiyasi sabab o‘z sportchilarini Yaponiyaga yubormaydi.

"Virusdan himoyalanish birinchi darajali vazifamiz bo‘lishi kerak. Biz hozir sog‘liqni saqlash borasida katta krizis yoqasida turibmiz. Ayni paytda sog‘liqni saqlash sportdan ko‘ra muhimroqdir", deyiladi so‘rov arizasida.