Bugun AOKA huzuridagi shtabda Ichki ishlar vazirligi Axborot xizmati rahbari Shohrux G‘iyosov ishtirokida brifing o‘tkazildi.
Brifingda muhim savol va murojaatlar yuzasidan javob qaytarildi.
Savol: Men mashinam oynasini tonirovka qilish uchun jami 12 million so‘m sarflaganman. Karantin vaqti qanchaga cho‘zilishidan qatiy nazar, shu davr uchun ruxsatnomamga qo‘shimcha muddat qo‘shiladimi?
Javob: To‘lov asosida avtotransport vositalarining oynalarini tusini o‘zgartirishga (qoraytirishga) 1 yil muddatga ruxsat beriladi.
Biroq Respublika maxsus komissiyaning qaroriga muvofiq, karantin davrida muddati tugaydigan barcha ruxsat berish xususiyatiga ega bo‘lgan hujjatlarning amal qilish muddati joriy yilning 1 iyuliga qadar uzaytirilgan.
Karantin davrida ruxsatnomangiz muddati o‘tsa, joriy yilning 1 iyuligacha avtotransportni haydashingiz mumkin. Shu bilan birga, karantin davri hisobidan, qo‘shimcha muddat berilmaydi.