Avval ma’lum qilinganidek, bugun AOKA shtabida Adliya vazirligi axborot xizmati rahbari Sevara O‘rinboyeva ishtirokida brifing bo‘lib o‘tdi.

Brifingda muhim savol va murojaatlar yuzasidan javob qaytarildi.

Savol: Yosh bolali onalarning do‘konga chiqishi taqiqlanganmi?

Javob: Yo‘q. Bunga taqiq qo‘yilmagan. Faqat sanitariya va gigiyena hamda karantin qoidalariga amal qilishingiz shart. 

Respublika maxsus komissiyasining qarori bilan ko‘chada va jamoat joylarida 3 kishidan ortiq odamning to‘planishi (bir vaqtda harakatlanayotgan oila bundan mustasno) taqiqlangan.

Shuningdek, joriy yilning 1 aprelidan zarurat bo‘lgan taqdirdagina yaqin atrofdagi dorixona, oziq-ovqat va birinchi galdagi tovarlar do‘koniga ruxsat etilgan.