Kashandalarda chekmaydiganlarga nisbatan koronavirusga chalinish xavfi yuqorimi?

Ushbu savolga Koronavirusga qarshi kurash shtabi a’zosi Barno Odilova javob berdi:

"Ha, yuqori. Chunki sigaret tutuni nafas faoliyatini pasaytirishi, o‘pka alveolalarni, yuqori va pastki nafas yo‘llari shilliq qavvatlarini jarohatlashi ilmiy tasdiqlangan. Bu holatga koronavirusning qo‘shilishi inson ahvolini yanada og‘irlashtiradi.

Sigaret tutuni chekuvchini atrofdagilariga ham salbiy ta’sir etadi. Ayniqsa bolalarda allergik kasalliklarga moyilliklar paydo bo‘ladi, shu bilan bronxial astmani rivojlantirishi mumkin".