KDRda poyezd relsdan chiqib ketishi natijasida 50 kishi hayotdan ko‘z yumdi
12.09.2019 18:34,
7
Kongo Demokratik Respublikasida poyezd relsdan chiqib ketdi, kamida 50 kishi halok bo‘ldi. Bu haqda Milliy birdamlik va gumanitar ishlar vaziri Stiv Mbikayiga tayanib Actualite portali xabar berdi.
Tanganika provinsiyasida tonggi to‘rtlarda poyezd izdan chiqib ketgan. Vazirning aytishicha, 50 kishi halok bo‘lgan va yana ko‘plab odamlar jarohatlangan.
U halok bo‘lganlarning oilalariga ta’ziya izhor etdi va hukumat ushbu hodisa bo‘yicha amaliy choralarni muhokama qilish uchun yig‘ilish o‘tkazayotganini bildirdi.