65 yoshdan oshgan Moskva aholisi va surunkali kasalliklarga chalingan fuqarolar yangi turdagi koronavirus tarqalishining oldini olish uchun uy rejimiga rioya qilishlari kerak, deya xabar beradi poytaxt hokimi Sergey Sobyanin.
26 martdan yangi qoidalar kuchga kiradi. Ularning amal qilish muddati 2020 yil 14 aprelgacha davom etadi. O‘zini izolyasiya qilish rejimi bilan bog‘liq xarajatlarni qoplash uchun keksa va surunkali kasal bo‘lgan moskvaliklarga 4000 rubl (320 ming so‘m atrofida) miqdorida moddiy yordam beriladi, deyiladi xabarda.
Kommunal to‘lovlarni o‘z vaqtida to‘lamaganlik uchun jarimalar va jarima yig‘imi ham vaqtincha bekor qilindi. Bundan tashqari, aloqa operatorlari uyda bo‘lganlar uchun nol yoki salbiy balansga ega bo‘lgan telefonlar va Internet abonentlarni tarmoqdan o‘chirmasliklari shart etib belgilandi.