KXDR yetakchisi Kim Chen In Rossiya prezidenti Vladimir Putinga an’anaviy koreys qilichini sovg‘a qildi.
Vladimir Putin esa o‘z navbatida Kim Chen Inga shamshir taqdim etdi.
Kim Chen In “Zamonaviy qurol bo‘lmaganda, bunday qilichdan foydalanishgan – bu sizni qo‘llab-quvvatlaydigan, mening va xalqimizning ko‘nglini ifodalaydigan kuchdir”, deya sovg‘ani taqdim etadi.
Vladivostokda bugun Putin va Kim Chen In birinchi to‘liq formatdagi uchrashuvni o‘tkazishdi.
Yakkama-yakka tartibda muzokaralar ikki soat davom etdi, so‘ngra yana bir yarim soat davomida kengaytirilgan shaklda Rossiya va KXDR o‘rtasidagi munosabatlar tarixi va ularning rivojlanish istiqbollari, shuningdek, Koreya yarim orolidagi vaziyat muhokama qilindi.