Солиқ кодексига ўзгартириш ва қўшимчалар киритилмоқда. Бу ҳақда депутат Расул Кушербаев хабар қилди.

Таъкидланишича, махсус иқтисодий зоналар иштирокчилари фойда солиғидан улар томонидан киритилган инвестициялар ҳажмига қараб:

– 3 млн АҚШ долларидан 5 млн АҚШ долларигача миқдорда - 3 йил муддатга;

– 5 млн АҚШ долларидан 15 млн АҚШ долларигача миқдорда - 5 йил муддатга;

– 15 млн АҚШ доллари ва ундан юқори миқдорда инвестициялар киритилганда - 10 йил муддатга озод этилади.

Қайд этилишича, ушбу қонун лойиҳасини ишлаб чиқишга президентнинг 2021 йил 14 сентябрдаги "Махсус иқтисодий зоналар иштирокчиларини янада қўллаб-қувватлаш чора-тадбирлари тўғрисида"ги қароридаги вазифалар ва эркин иқтисодий зоналарнинг 100 дан ортиқ иштирокчилари мурожаатлари асос бўлган.

Қонун лойиҳаси депутатлар томонидан биринчи ўқишда қабул қилинди.