Diyetolog Yelena Solomatina mandarinni kimlar yemasliklari kerakligi haqida gapirib berdi:
“Mandarinni yeyish kerak va u foydali. U o‘zida juda ko‘p miqdorda vitaminlar, mikro va makro yelementlar, antioksidiantlarni to‘plagan. Shuningdek, mandarin tarkibida zamburug‘lar o‘sishini to‘xtatadigan va bakteritsid ta’sir ko‘rsatadigan moddalar bor. Mandarinlar, ayniqsa, kuz-qish davrida, virusli kasalliklar tarqalgan paytda juda ham foydalidir.
Ushbu meva tarkibida oshqozon shilliq pardasini yangilash uchun kerak bo‘lgan beta-karotin mavjud. Mandarin rangi qanchalik yorqin bo‘lsa, tarkibida shuncha ko‘p beta-karotin bo‘ladi. Bu immunitet tizimiga birinchi tez tibbiy yordam hisoblanadi. Mandarinlar yurak uchun ham foydalidir – uning tarkibida yurak mushaklarini kuchaytiradigan, ortiqcha suyuqlikni ketkazadigan juda ko‘p kaliy mavjud”.
Kimlarga mandarin yeyish tavsiya qilinmaydi ?
Gastrit, me’da kislotasi oshishi, oshqozon-ichak yo‘li kasalliklaridan qiynalayotganlar mandarin yeyishdan o‘zlarini tiyganlari ma’qul. Uning fikricha, hatto sog‘lom odam ham och qoringa mandarin yeganda noxushlikni his qilishi mumkin.