Ko‘rshapalak uyasini sotib olmoqchi bo‘lgan erkakni chuv tushirib ketishdi. IIV xabariga ko‘ra, 20 mart kuni Toshkent shahar Chilonzor tumanida yashovchi 33 yoshli D.N. tanishi, Toshkent viloyati O‘rtachirchiq tumanida yashovchi 38 yoshli A.U.ga saraton va boshqa turdagi og‘ir kasalliklarga davo bo‘luvchi ko‘rshapalak uyasini topib berishini va’da qilgan va aldov yo‘li bilan undan 5 ming dollar olgan. Biroq shu kunga qadar bergan va’dasini bajarmay pullarni o‘z ehtiyoji uchun ishlatib yuborgan.

Holat yuzasidan jinoyat ishi qo‘zg‘atilib, D.N. ushlangan.

Tergov harakatlari olib borilmoqda.